Ens.az
13 noyabr 2019, çərşənbə
.
.
chevron_left chevron_right
TƏBİƏT

Rəngini dəyişən və küsəyən bugenvilliya çiçəkləri

Rəngini dəyişən və küsəyən bugenvilliya çiçəkləri

1295 Baxış
Rəngini dəyişən və küsəyən bugenvilliya çiçəkləri

Ona məşhur Braziliya seriallarının kinolentlərində rast gəlmək olar. İnteryer, xüsusilə də fasadların vertikal yaşıllaşdırılması, landşaft dizaynı və kompozisiyaların yaradılmasında geniş istifadə edilən bitkidir. Bonsay üslubunda olan kompozisiyalar üçün də gözəl materialdır.

Bugenvilliya liana hesab edilir. Bu ad ona 1768-ci ildə Fransanın yeni ərazilərinə ekspedisiya təşkil etmiş dənizçi, hüquqşünas və riyaziyyatçı Lui Antuan de Bugenvillin şərəfinə verilib və həmin ekspedisiyanın tərkibində botanik də olub.

Bugenvilliya cəmi 14 növü olan gecəçiçəyikimilər fəsiləsindəndir. Cənubi Amerikanın tropik meşələrində geniş yayılıb. Hündürlüyü 15 metrə çatır. Təbii tropik mühitdə ilboyu çiçək açır. Braziliyada əsasən kolibri quşları vasitəsilə, digər yerlərdə kəpənəklərlə tozlanır.

Bugenvilliya hündür olmayan ağac və ya koldur, sürünən və sarmaşan gövdələrə malikdir, zaman keçdikcə bitkinin üzərində tikanlar formalaşır. Bitkinin çiçəkləri müxtəlif rənglərə çalır. Hətta çiçəkləmə dövründə tez-tez rəngini dəyişərək iki rəng alır. Əsasən parlaq işıqlı, yayda kölgə olmayan və havası təmiz yerlərdə yaxşı bitir. Şəraitdən asılı olaraq, onun çiçəkləməsi yazdan yayın axırlarına qədər davam edir. Temperaturun aşağı düşməsi onun çiçəkləməsinə əhəmiyyətli dərəcədə mənfi təsir göstərir.

Bitkinin şıltaqlıqlarından biri də yerdəyişməni sevməməsidir. Hətta onu budayarkən zoğlarının yerini dəyişməməsinə fikir vermək lazımdır. Əks halda bitki "küsərək" böyümədən qalır, tez-tez yarpaqlarını tökür. Qış aylarında yarpaqlarını tökməsi isə təbiidir. Yarpaqların saralması havada rütubətin çoxluğunu göstərir.

Mənbə: Azertag.az





Diqqət! Ens.az saytına məxsus materiallardan istifadə edərkən hiperlinklə istinad edilməlidir. Mətndə səhv tapdıqda, onu seçib ctrl + enter düyməsini basaraq bizə göndərməyinizi xahiş edirik.


Android ƏS olan smartfonunuz varsa, xəbərləri daha rahat oxumaq üçün bu linkə keçərək Play Store mağazasından Ens.az proqramını endirib quraşdıra bilərsiniz.


Etiketlər:
VİDEO QALEREYA
"Min bir gecə" baletinin (şəkildə) musiqisi Fikrət Əmirov, librettosu isə "Min bir gecə" nağılları əsasında Maqsud və Rüstəm İbrahimbəyovlar tərəfindən yazılmışdır.
Emosiya ilə reaksiya ver!
  • 0
  • 0
  • 0
  • 0
  • 0
  • 0 Şərh
  • anonymous user
    Şərhi göndər
  • DAHA ÇOX NƏTİCƏ YÜKLƏ

X